Çekeleşme 1: "Hudaý Ruhdur" (Ýahýa 4:24)

Ikinji bapda biz Taňrynyň Ruhy barada has jikme-jik durup geçeris. Häzir biz ol ýerde berjaý edilen pikirleri şeýle jemläp bileris: Taňrynyň Ruhy Onuň güýjidir ýa-da demidir. Şol Ruhuň ýüze çykarýan hereketleri arkaly hem Onuň barlygy we häsiýeti adamlara aýan edilýändir. Şeýlelikde, „Hudaý Ruhdur” (Ýahýa 4:24) diýlen keleme dogry düşündirilmelidir. Çünki Onuň Ruhy Onuň şahsyýetini ýüze çykarýandyr.

Hudaýyň köp kesgitlemesi bardyr, mysal üçin:

· "Hudaýymyz iýiji otdur" (Ýewreýler 12:29);

• "Hudaý nurdur" (1 Ýahýa 1:5);
• "Hudaý söýgüdir" (1 Ýahýa 4:8);
• "Söz (grek sözi "logos" – plan, niýet, ideýa) Hudaý bolupdy" (Ýahýa 1:1).

Şeýlelikde, „Hudaýyň Özi” Onuň häsiýetidir. Biziň diňe „Hudaý – bu söýgüdir” diýip okaýandygymyz üçin söýgüniň abstrakt düşünjesiniň „Hudaýdygyny” subut etmek düýbünden nädogrydyr. Biz kimdir birine „hoşniýetliligiň özi” diýip atlandyryp-da bilýäris. Ýöne bu şonuň özüniň fiziki jandar däldigini aňladýan däldir. Bu bize ýöne bir hoşniýetliligi aýan edýän gös-göni bolan barlygyň endigidir.

Ruhuň Taňrynyň güýji bolandygy üçin biz köplenç halatda Hudaýyň Öz islegine we häsiýetine görä, maksada ýetmek üçin Öz Ruhuny ýollaýandygyny ýa-da gönükdirýändigini okaýarys. Ol hakda hatda dörediji Ruh barada hem aýdýarlar (Amos 4:13). Hudaýyň Onuň ruhudygyny aýtmak gös-göni manyda tawtologiýa diýmekdir. Hakykatda bolsa, bu Hudaýyň barlygyny inkär indändir.

Hudaýyň Öz Ruhuny gönükdirişi hem-de Ony Öz Ruhundan bölüp aýyrşy barada şaýatlyk edýän köp sanly mysallar bardyr:

"Onuň kalbyna Özüniň Mukaddes Ruhuny girizen Şoldur (Hudaý)" (Işaýa 63:11);

"Men Ruhumy (Taňry)Onuň (Isanyň) üstünde goýaryn" (Matta 12:18);

"Gökdäki Ataňyz...Mukaddes Ruhuny" (Luka 11:13);

"Men Ruhuň gökden inişini gördüm" (Ýahýa 1:32);

"Hudaý diýýär: Men Ruhumdan hemmäniň üstüne dökerin" (Resullaryň Işleri 2:17).

Hakykatda bolsa, „Taňrynyň Ruhuna” bolan ýygy salgylanmalar Ruhuň Hudaýyň Özüniň däldigi barada eýýäm subut edýändir. Hudaýyň we Onuň Ruhunyň arasyndaky bu tapawut Ata Hudaýyň Isa we Mukaddes Ruh bilen utgaşýan „üçbirlikdigine” ynanýan adamlar üçin başga bir kynçylykdyr. Eger-de bu beýle bolýan bolsa, hem-de Hudaýyň şahsyýet däldigi barada pikir edilse, onda mundan Isanyň alsa bolmandygynyň netijesini çykarmak bolar.

Ýöne şahsyýet bolmadyk Hudaýyň biziň doga-dileglerimizi akmaklyk edýändigini bellemeklik örän wajypdyr. Çünki doga-dileg – bu biziň aňymyzda bar bolan biziň aňymyzyň we Hudaýyň arasyndaky gepleşikdir. Bize hemişe göklerde fiziki ýeri bolan Hudaýa doga edýändigimizi (Eklesiast 5:1; Matta 6:9; 5:16; 3 Patyşalyk 8:30) hem-de Isanyň bolsa, biziň doga-dileglerimizi Hudaýa geçirip, häzir Onuň sag golundadygyny ýatladýarlar (1 Petrus 3:21; Ýewreýler 9:24). Eger-de Hudaý şahsyýet bolmasa, onda munuň ýaly aýatlaryň ähmiýeti hem ýokdyr. Ýöne haçanda biz Hudaýy hakyky, mähirli Ata hökmünde göz öňüne getiren badymyza biziň doga-dileglerimiz Oňa hakyky we duýgur bolýandyr, ýagny hakykatda bu biziň ynanýan hem-de bize jogap berip biljek başga bir janly bar bolan biri bilen bilelikdäki gürrüňdeşligimizdir.