Çekeleşme 13: Biziň direlmegimiziň tebigy aslyýeti
Biz ebedi ýaşaýşyň we Taňrynyň tebigatyna geçişligiň imanlylara hökümden soň beriljekdigini görkezipdik. Mesih ilki nobatda Öz höküminiň öňünde jogapkärli bolanlary direlder hem-de olaryň ählisi Onuň huzuryna ýygnanyşanlaryndan soňra olara höküm çykarmaga başlar. Ebedi tebigata geçişligiň hökümde boljakdygy üçin, ähli direljekler ilki bilen ölme tebigatyna eýe bolarlar. Eger-de olar direlende ölmez bedenli bolan bolsalar, onda sylag-peşgeşiň paýlanýan hökümini geçirmegiň zerurlygy hem bolmazdy.

Hökümden soňra biz gönümel Hudaýyň Patyşalygyna girýändiris (Matta 25:34); şuňa görä-de, imanlylar hökümden öň Hudaýyň Patyşalygynda bolýan däldirler. „Et bilen gan Hudaýyň Patyşalygyndan paý alyp bilýän däldir (şonuň üçin)... biziň barymyz üýtgediljekdiris... Sebäbi bu çüýreýän çüýremezlik donuny geýmelidir, bu ölümli ölmezlik donuny geýmelidir“ (1 Korintoslylar 15: 50-51, 53). Şonuň üçin, eger diňe biziň Patyşalyga giren dessimizde ölümlikden ölmezlik tebigatyna geçişligiň höküm ediljek ýerde bolup geçjekdigine netije çykarmak bolar.
Emma Hudaý tarapyndan ruhlanan resul Pawlus „direlme“ sözüni „jan direlmesi“ manyda, ýagny, hökümden soň ebedi ýaşaýşyny aljak imanlylaryň direlmesini köp aýdyp geçýär. Ol elbetde „hem dogrulary, hem egrileriň ölümden direljekdigine“ düşünipdir (resullaryň Işleri 24:15). Ol jogapkär bolan „ýagşylyk edenleriň ýagşylyk üçin (gabyrdan çykjakdyklaryna) direljekdigine, şer iş edenleriň höküm üçin direljekdigine“ (Ýahýa 5:29) akyl ýetiripdir.
Şeýlelikde, haçanda Pawlus „direliş“ hakda aýdanda, ol köplenç „jan direlmesine“ salgylanypdyr. Imanlylar öz gabyrlaryndan „jan direlmesinde“ çykarlar – ýerden çykanlaryndan soňra olar höküm ediler we soňra bolsa, ebedi ýaşaýyş peşgeşini alarlar. Bütin bu proses „jan direlmesidir“. Olaryň gabyrlardan „çykmaklarynyň“ hem-de „jan bilen direlmegiň“ arasynda tapawutlyk ýokdur. Pawlus „ölümden direlişe ýetmek üçin“ (Filipililer 3:11) mesihi durmuşda ýaşamaga özüniň dyrjaşýandygyny aýdýar. Onuň jogapkär bolandygy üçin hökümde hasabat bermek üçin direler. Onuň „direlşe ýetmek üçin“ dyrjaşandygy bolsa, „direlşiň“ bu ýerde „jan direlmesine“ degişlidigini aňladýandyr.

„Direliş“ sözüniň „jan direlmesi“ (Luka 14:14 bilen deňeşdiriň) manysynda ulanylyşynyň beýleki mysallaryny Luka 20:35; Ýahýa 11:24; 1 Korintoslylar 15:21, 42; Ýewreýler 11:35; Ylham 20:6 aýatlarda hem duş gelip bileris. „Direli“ sözüniň ulanylyşy 1 Korintoslylar 15 bapda bolşy ýaly, 1 Korintoslylar 15:22 – „ölüler çüýremez bolup direljekdirler“ diýlen aýatynyň manysyna düşünmäge ýardam berýär. „Ölüler“ sözüniň käte (aýratynda 1 Korintoslylar 15) hökümde ebedi ýaşaýşyny almak üçin direljek öli imanlylara degişlidigine üns bermelidir: 1 Korintoslylar 15: 13, 21, 35, 42; 1 Selanikliler 4:16; Filipililer 3:11; Ylham 14; 13; 20:5-6.
1 Selanikliler 4:16-17 aýatlarynda Mesihiň dolanyp gelmegi bilen baglanyşykly wakalar görkezilýär:

9. Mesih adamlaryň gözlerine görnüp asmandan düşer.
10. Ölüler direlerler.
11. Şol döwre çenli diri bolan jogapkärli bolanlar höküme eltilerler.

Hemmeler bir ýere ýygnanyşanlaryndan soňra (Matta 25:31, 34; 13:41-43) ebedi ýaşaýyş hakdaky bildiriş yglan ediler; şonuň üçin ölmezlik direlişde yglan edilip bilmez, sebäbi iň soňky ähliumumy ýygnanyşygyň esasy bolar. Biz ähli imanlylaryň şol bir pursatda (Matta 25:34; Ýewreýler 11:39-40) sylag-peşgeşleri aljakdyklaryny görkezipdik. Eger-de ölmezlik direlişde yglan edilen bolsa, onda bu mümkin bolmazdy. Çünki bu umumy diri jogapkärli bolanlaryň ýygnanyşygyny esaslandyrýandyr.
Emma biziň wagta düşünişimiziň ýöne ynsan aklynyň ölçegindedigini bellemelidir. Hudaý munuň bilen asla bagly däldir. Mesih gelende boljak wakalaryň aýratyn hronologiýasyny işläp düzmek üçin ýerine ýetiriljek synanyşyklarda has uzagraga-da aralaşmak mümkindir. Höküm ýerindäki direliş we biziň ölmezlige geçişimiz „birden göz-açyp ýumasy“ (1 Korintoslylar 15:51) bolup geçer. Eger zerur bolan ýagdaýda, Mesihiň dolanyp gelen pursadynda wagt ölçegi başga bir ölçegde gider. Bu hem höküm edilenler üçin bolar. Bibliýanyň umumy esasy her bir jogapkärli bolanyň hökümiň öňünde özüniň durmuşy hakda hasabat berjekdiginden hem-de bu hakda biraz derejede özüniň kazysy bolan, Reb Isa bilen gürleşjekdiginden ybaratdyr (Matta 25:44 we ş.m.; Eklesiast Kitaby 3:17; 12:14; Luka 12:2-3; 19:23; Ýezekil 18:21, 22; 1 Timoteos 5:24-25; Rimliler 14:11-12).

Jogapkärli bolanlaryň ummasyzsygyny göz öňüne tutmak bilen, biz hemmämiziň şol bir pursatda we şol bir wagtyň özünde-de, aýrybaşga höküm edilmegimiz üçin wagt birliginiň saklanjakdygyny ýa-da örän galňadyljakdygyny bilmelidiris. Bütin direliş we höküm edilme prosesiniň „göz-açyp ýumasy“ bolmagy üçin bu stadiýada wagt ölçeginiň galňadyljakdygy sebäpli, köplenç bu direliş wakasy imanlylara beriljek ebedi ýaşaýyş baradaky wakalar hökmünde hem aýdylýandyr. Emma bu biziň gabyrdan höküm ediljek ýerine we soňra bolsa, Taňrynyň rehimdarlygy bilen ebedi ýagdaýyna geçirilme tizliginde bolup geçer. Mundan öň agzap geçen aýatlardan Bibiliýanyň öwgütleriniň esasynda, ebedi ýaşaýyş direlişde berilmän, eýsem, höküm edilende beriljekdigini bilmelidiris. Şol sebäpli hem, 1 Selanikliler 4:16 imanlylaryň surnaýyň sesi bilen çagyryljakdyklary aýdýar. 1 Korintoslylar 15:52 hem olara ölmezligiň berilmegi bilen baglaşdyryp, şol surnaý hakda aýdýandyr. Bu şeýle hem Pawlusyň näme üçin direliş barada höküm ýerine çagyrylma baradaky ýaly oýlanandygyny düşündirýär (mysal üçin Filipililer 1:23).