Käbir adamlar şeýtanyň janlandyrylan nusgasy barada
örän kynlyk bilen düşünmekleri mümkindir.
Sebäbi Bibliýada bu söz şeýle köp
agzalýar welin, hatda onuň şahsyýet hökmünde
bolşy ýaly täsir ýüze çykýar. Bu
bolsa, mümkin adamlary gamlandyrýandyr. Ýöne bu
Bibiliýanyň ykrar edilen aýratynlygynyň
akyl-paýhas, baýlyk, günä, ybadathana ýaly diri
bolmadyk predmetleriň we abstrakt düşünjeleriň
janlandyrylan nusgasydygy bilen aňsat
düşündirilýär. Diňe şeýtan bilen
baglanyşykly bolan ýagdaýda käbir fantastiki
teoriýalar goýberilýär. Şu mysallar şekil
hökmünde getirilýär:
Akyl-paýhasyň
janly nusgasy.
„Hikmen tapan,
düşünjä gowuşan nähili bagtly! Ony gazanmak
kümüş gazanmakdan gowudyr, onuň önümi sap
altyndan gowudyr. Ol ýakutdan gymmatdyr (onuň
garşysyna hiç bir zalymlyk ýokmaz; ol özüne
golaýlaşýanlaryň ählisine gowy mälimdir), ähli arzyly zatlar oňa
taý bolup bilmez” (Süleýmanyň Tymsallary 3:13-15);
„Akyldarlyk
öýüni saldy, ýedi diregini ýondy” (Süleýmanyň
Tymsallary 9:1).
Bu aýatlar baplaryň edil beýleki bölümleri
ýaly akyldarlygy zenan ýaly nusgalandyrýar.
Ýöne bu sebäpli akyldarlygyň ýerde gezip
ýören göni zenandygy baradaky pikir asla hiç kimiň
oýuna-da gelmeýär. Hemmeler akyldarlygyň adamlaryň
isleýän zadydygyna düşünýärler.
Baýlygyň janly
nusgasy.
„Hiç kim iki
hojaýyna hyzmat edip bilmez; çünki ýa birini
ýigrenip, ol birini söýer, ýa-da birine wepaly bolup,
ol birini äsgermezlik eder. Siz-de hem Hudaýa, hem-de mammona[1]
hyzmat edip bilmersiňiz” (Matta 6:24).
Bu ýerde baýlyk hojaýynlar bilen
deňeşdirilýär. Köp adamlar baýlyga eýe
bolmaga we bu ýol arkaly olaryň hojaýyny bolmaga
örän dyrjaşýarlar. Isa bu ýerde biziň muny
berjaý edip hem-de şol bir wagtyň özünde
Hudaýa gulluk edip bilmeýändigimizi aýdýar.
Öwüt-nesihat ýönekeý we täsirlidir.
Ýöne baýlygyň Mammon atly adamdygyny hiç kim
göz öňüne-de getirmeýär.
Günäniň
janly nusgasy.
„…Günä
edýän her kişi günäniň guludyr” (Ýahýay
8:34). „günä ölümde
höküm sürdi” (Rimliler 5:21). „Boýun bolmagyňyz üçin özüňizi
gul hökmünde kime tabşyrsaňyz, kime boýun
bolsaňyz onuň, ölüm üçin günäniň
ýa dogrulyk üçin tabynlygyň gullarydygyňyzy
bilmeýärmisiňiz?” (Rimliler 6:16).
Edil baýlygyň bolşy ýaly, bu ýer-de
günä hojaýyn bilen deňeşdirilýär.
Günä edýän bolsa onuň gullarydyr. Ýöne
bu setirleriň paýhasly bolan okyýjysynyň hiç
biri-de Pawlusyň günä - bu adam diýip aýdan
sözlerini göni kabul etmez.
Ruhuň janly
nusgasy..
„Emma Ol, Hakykat Ruhy
gelende, size bütin hakykata tarap ýol görkezer; Çünki
Ol Öz-Özünden aýtmaz” (Ýahýa
16:13).
Bu ýerde Isa öz resullaryna olaryň Mukaddes Ruhuny
aljakdyklaryny aýdýar we hakykatdan hem Resullaryň
Işlerinde 2:3-4 aýdylyşy ýaly bu Pentikost güni
boldy: „Olara odunň ýalynlary
kimin bölnen diller aýan bolup, her biriniň üstüne
gondy. Olaryň bary Mukddes Ruhdan doldular”. Bu olaryň
kuwwatynyň Hudaýdan gelýändigini tassyklaýan
gudratly işleri döretmek üçin ajaýyp
güýji peşgeş berdi. Mukaddes Ruh şahsyýet
bolmandy. Bu güýç bolupdy. Ýöne haçanda
Isa bu barada aýdanda, Ol „ol” diýen at çalyşmasyny
ulanypdyr.
Ölümiň
janly nusgasy.
„Seretdim, ine
öňümde reňki öçük bir at durdy. Atyň
üstünde oturanyň ady ölümdi” (Ylham 6:8).
Ysraýyl
halkynyň janly nusgasy.
„Men ýene-de
seni ýerleşdirerin, we sen ýerleşdirilersiň
Ysraýyl gyzy, ýene-de timpanlaryň bilen bezelersiň…” (Ýeremiýa 31:4). „Ýefremiň
aglap durandygyny eşidýärin: „Sen maňa jeza berdiň we men başbermez
göle ýaly jezalandyryldym; meni gaýtar we men Saňa
ýüzlenerin, çünki Sen meniň Hudaýym
Rebsiň” (Ýeremiýa 31:18).
Bu aýatlaryň mazmuny pygamberiň edil adama ýaly
gös-göni ýazykly Ýefreme ýüzlenmän,
eýsem Ysraýyl halkyna ýüzlenýändigini
görkezýär. Bu ýerde Ysraýyl Beýik
Britaniýa käte „Britaniýa” ýa-da „Jon Bul” diýilşi
ýaly, janlandyrylýan nusgasy berilýär. Bu aýal
we bu erkek ýaly adamlar ýokdyr. Ýöne haçanda
olar kitaplarda atlandyrylanda ýa-da suratlarda duş gelende, her
kim munda Beýik Britaniýanyň göz öňüne
tutulýandygyny bilýär.
Mesihe
ynanýanlaryň janly nusgasy.
„Biziň
hemmämiz imanda, Hudaýyň Ogluny tanamada birlige,
kämillige, Mesihiň dolulygyndaky ýetişenlik derejä
ýetýänçäk” (Efesliler 4:11). „Ten bir” (Efesliler 4:4). „Siz Mesihiň teni, aýry-aýry
agzalarysyňyz” (1 Korintoslylar 12:27). „…Mesih bedeniň Halasgäri bolup, imanlylar
ýygnagynyň başydyr” (Efesliler 5:23). „Bedeniň, ýagny imanlylar ýygnagynyň başy
Oldur (Mesihdir)…Men siziň
ugruňyzda gören görgülerime indi guwanýaryn,
Mesihiň teni bolan imanlylar ýygnagy ugrundaky
muşakgatlaryň ýetmezleriniň üstüni öz
tenimde doldurýaryn” (Koloseliler1:18, 24). „Çünki men size Hudaýyň yhlasy bilen yhlas
edýärin, sebäbi men sizi päk gyz hökmünde
Mesihe hödürlemek üçin diňe bir äre
niýetledim” (2 Korintoslylar 11:2). „…Guzynyň toýy başlanýar. Onuň gelni
taýýarlandy” (Ylham 19:7).
Bu aýatlaryň bary özüniň kesgitlenmesi bilen
Mesihe hakyky ynanýan hem-de Mesihe hakyky ynanýan bolmagyny
birwagt bes eden häzirki zaman ybadathanalaryň haýsydyr bolsa
birisi bilen gatyşmadyk bolsa-da, käte özlerini
„imanlylaryň ýygnagy” atlandyran adamlaryň toparyna
degişlidir.
Hakyky imanlylara, ýagny Bibliýanyň hakyky
doktrinalaryna ynanýanlara „päk
gyz” diýilip atlandyrylýar. Bu olaryň
ýaşamaly boljak durmuşynyň päk bolmagyny hem-de
laýyk bolan teni aňladypdyr. Çünki hakyky teniň
köp funksiýalarynyň bolşy ýaly hakyky imanlylar
ýygnagynda-da uly jogapkärçilik bardyr we dürli
funksiýalary berjaý edýändir. Haçanda
imanlylar ýygnagyna „ten” diýlende, hiç kim ony
nähilidir bir şahsyýet bilen bulaşdyrýan
däldir. Eger-de sözler dogry terjime edilen bolsa ýa-da
eger-de erkekler we aýallar geçen günleriň
ýalançy ybadathanalardan gelýän ýalan
pikirleri kabul etmedik bolsalar, adamlar şeýle hem iblisi
ýa-da şeýtany nähilidir bolsa bir asman „aýylganjy”
ýa-da günä batan perişde ýaly kabul
etmeýärler.
Robert Robertsiň „Hristiançylyň azaşmasy” atly
kitabyndan adaptirlendi.